Madaxweynaha Jamhuuriyadda Federaalka Soomaaliya, Xasan Sheekh Maxamuud, ayaa Khudbadii Jimcaha kaga hadlay dardargalinta dagaalka lagula jiro Dagaalamayaasha Al Shabaab ee ka howlgala deegaanno kooban oo weli ay ka joogaan dalka. Madaxweynaha ayaa ku adkeystay in dagaalkan uu yahay mudnaanta koowaad ee dowladda ilaa inta dalka oo dhan laga xoreynayo, isaga oo sheegay in Al Shabaab ay doonayaan inay xumeeyaan magaca Muqdisho.
Xasan Sheekh ayaa sidoo kale ka hadlay hanaanka doorasho ee dalka, isaga oo sheegay in dowladda ay ka go’an tahay in Soomaaliya ay ka dhacdo doorasho qof iyo cod ah, taasoo ay shacabka Soomaaliyeed si toos ah ugu dooranayaan hoggaamiyeyaashooda. Madaxweynaha wuxuu carrabka ku adkeeyey in Soomaaliya aysan mar dambe yeelan doonin hoggaan aan shacabka dooran.
“Dalkeenu waxa uu maanta joogaa meel ka wanaagsan halkii uu shalay taagnaa, mar walba markii ka dambeysii waa uu sii sodcay, waxayna maanta maraysa in maalgeshi loo yimaado Soomaaliyaâ€
Madaxweynaha ayaa sidoo kale soo hadal qaaday horumarka dhaqaalaha dalka, isagoo sheegay in dhaqaaluhu uu kordhay,taasoo muujinaysa mashaariicda horumarineed ee ka socota gobollada kala duwan. Waxa uu intaa ku daray in dalkeenu uu maanta ku sugan yahay meel ka wanaagsan halkii uu shalay joogay.
Hadalkan ayaa imanaya iyadoo dalka uu wajahayo duruufaha amni iyo horumarineed ee socda, taasoo dowladda Soomaaliya ay dadaal ugu jirto in lagu xaliyo islamarkaana la gaaro himilooyinka ay higsaneyso.