Dagaalkan oo u dhaxeeyay Ciidamo ka wada tirsan dowladda ayaa waxa uu ku dhex maray Xaafada aaga Xerada 77 oo ku taalla degmada deeyniile ee Gobolka Banaadir.
Dadka ku nool Xaafadaas qaarkood oo la hadlay Radio Dalsan ayaa waxa ay sheegeen in ay ka war heleen dagaalka ciidamada dowladda dhexmaraya,isla markaana ay cabsi soo wajahday.
Ciidamada Dowladda ee wada dagaalamay ayaa wararku waxa ay sheegayaan in ay isku heysteen dhul halkaasi ku yaalla,kaas oo tiro ka dhowr jeer sidaan oo kale ay ugu wada dagaalameen.
Dagaalka ayaa la sheegayaa in uu dhaliyey khasaaro isugu jira dhimasho iyo dhaawac,iyada oo khasaaraha ugu badan uu gaaray dad Shacab ah oo halka lagu dagaalamay degan.
Dagaalada dhexmara Ciidamada ka wada tirsan dowladda ayaa ku soo badanaya Muqdisho bilihii u dambeeyey,waxana weli dagaalkii ka dhacay degmada deeyniile Maanta ka hadlin masuuliyiinta Maamulka degmadaas.
