Xildhibaan Zakariye Maxamuud Xaaji oo ka mid ah Mudanayaasha Golaha Shacabka Soomaaliya aya si kulul uga hadlay xiisada ka taagan Magaalada Balad Xaawo iyo xadgudubka dowladda Kenya ay ku sameysay dhulka Soomaaliya dhanka gobolka Gedo ee Magaalada Balad Xaawo.
Xildhibaanka ayaa digniin u diray dowladda Kenya taas oo ku aadan sida uu sheegay in ay boobku heyso dhulka Soomaaliyeed.
“Kenya waxaan uga digeeynaa boobka ay ku heeyso dhulka soomaaliyeed, ma aqbaleyno taako ka mida dhulka soomaaliyeed inay kusoo xad gudbaan dad aan dhaxal u laheyn, arinta ka cusub Geddo waa arin shaqsi ahaan ii argagax galisay, una baahan in si wada jir ah looga damqaddo, xukuumaddu waa inay aragtaa cadawga boobaya dhulka soomaaliyeed, baarlamaanku waa inuu arkaa arinka halka uu marayoâ€
Waxa uu sidoo kale sheegay in marnaba aysan macquul aheyn in laga aamuso xiisada Balad Xaawo ee ku u soo xadgudubka dowladda Kenya ee Dhulka Soomaaliyeed.
“Waxa aanu u dhaaranay ma ahan inaan ka aamusno boobka cad ay kenya ku dooneeyso dhulka soomaaliyeed, waxaa la inooga baahanyahay bad baadinta dhulka badda iyo shacbiga soomaaliyeedâ€
Sikastaba Shalay ayaa Xildhibaanada Golaha Aqalka sare waxa ay u yeereen Wasiirada Arrimaha Dibada, Gudaha,Amniga iyo Gaashaandhigga si wax looga weeydiiyo waxa ay kala socdaan arrinta degmada Balad Xaawo.
