Maalma ka hor waxaa Shaqa joojin lagu sameeyey Duqii degmada Baladweyne ee Xarunta Gobolka Hiiraan Cali Dhuux Cabdi Mahadale kadib wareegto ka soo baxday Wasiirka Arrimaha Gudaha Hir-Shabeelle Maxamed Cali Caadle.
Duqii Degmada Baladweyne Cali Dhuux Cabdi Mahadale oo Maanta shir jaraa’id ku qabtay Baladweyne ayaa qaadacay xilka qadistaas lagu sameeyey,isaga oo sheegay in uu weli yahay duqa degmada Baladweyne.
Waxa uu sheegay in marnaba madaxda Hir-Shabelle aysan awood u laheyn in ay dadka dhahdo xilka waan kaa qaaday basle kaliya ay ku ekaadaan Shaqa joojin ayaa laguguu sameeyey.
Waxa uu sheegay in Maamulka Hir-Shabeelle tan iyo markii la dhisay uusan jirin waxa ay u qabatay dadka ku nool Baladweyne,isla markaana lacagtii shilinka Soomaaliga ee laga isticmaalayo degmooyinka dalka weli laga diidayo Magalada Baladweyne Maamulka Hir-Shabeelle uu waxka qaban waayey.
Waxa uu shirkiisa Jaraa’id ku sheegay in Canshuurta laga arruuriyo Magalada Baladweyne Jowhar laga maamulo,isla markaana Madaxda Hir-Shabeelle ay Akoon ku shubtaan.
Hoos Ka Dhageyso Codka Duqii Degmada Baladweyne Cali Dhuux Cabdi Mahadale.
