Magalada Muqdisho waxaa kulan ku yeeshay Wasiiru dowlaha Wasaaradda Arrimaha Dibada Soomaaliya iyo Safiirka Imaaraadka Carabta u fadhiya Soomaaliya Maxamed Axmed Al-Cusmaan Xamaadi,iyaga oo ka wada hadlay arrinta Shirkadda DP World ee laga leeyahay dalka Imaaraadka Carabta.
Kulankaas ayaa ahaa mid Safiirka ay u yeertay Wasaaradda Arrimaha Dibada Soomaaliya,waxaana labada masuul ay ka wada hadleen Go’aankii baarlamaanka Soomaaliya ay dalka uga mamnuuceyn Shirkadda DP World iyo heshiiskii Saddex geesoodka ahaa ee u dhaxeeyey Dowladda Itoobiya,Shirkada DP World iyo Maamulka Soomaaliland.
Wasiiru dowlaha Arrimaha Dibadda iyo Iskaashiga Caalamiga ee Soomaaliya ayaa sheegay in Dowladda Federaalka Soomaaliya aysan marnaba aqbali doonin in lagu xadgudbo madaxbanaanideeda,isla markaana mashaariicda horumarineed ay dhammaan gaarsiin doono Gobolada dalka Soomaaliya,sidaas daraadeedna aan la ogolaan doonin heshiis Sharcidarro ah.
Maxamed Axmed Al-Cusmaan Xamaadi Safiirka Imaaraadka ee u fadhiya Soomaaliya ayaa isna waxa uu sheegay in Imaaraadka uu ka Go’an yahay dhowrista iyo xushmeynta iyo ilaalinta madax banaanida Soomaaliya,sidaas silamid ahna ay siiwadi doonaan taageerada ay siiyaan Soomaaliya.
U yeeritaanka dowladda Soomaaliya ee Safiirka Imaaraadka u fadhiya Soomaaliya waxna  looga weeydiiyay heshiiskii DP World ee Dekada Berbera iyo Go’aankii dalka looga mamnuucay shirkadooda ayaa waxa uu ku soo aadayaa xili aan weli madaxweyne Farmaajo loo gudbin xeerkii dalka looga mamnuucay Shirkadaas si uu u saxiixo,kadib ansixintii Baarlamaanka Soomaaliya.
