Wasaaradda Amniga Soomaaliya ayaa faah faahin ka bixisay khasaaraha ka dhashay qarax Ismiidaamin ah oo Galabta ka dhacay Maqaaxi ka soo horjeeda hotelka Wehliye ee Wadada Maka Almukarama.
Qaraxa oo jugtiisa inta badan laga maqlay Muqdisho,ayaa dhaliyay khasaaro isugu jira dhimasho iyo dhaawac inta badan gaaray dad Shacab ah.
Afhayeenka Wasaaradda Amniga Soomaaliya Cabdi Casiis Cali Ibraahim (Xildhibaan) oo Warbaahinta kula hadlay goobta uu qaraxa ka dhacay ayaa sheegay in qaraxaas ay ku geeriyoodeen 14 ruux halka 6 kale ay ku dhaawacmeen oo khasaaraha guud uu noqonayo 20 ruux.
Weli waxaa kordhi kara khasaaraha ka dhashay qaraxa,maadaama weli burburka dhismooyinka ku yaalla Aaga uu qaraxa ka dhacay dad horleh laga soo bixinayo.
Hoos Ka Dhageyso Codka Afhayeenka Wasaaradda Amniga.
