Dhageyso:-Dowladda oo ka hadashay Ammarkii Al-Shabaab degmooyinka qaar ee Muqdisho uga mamnuuceyn Kubbadda Cagta

Xukuumadda Federaalka Soomaaliya ayaa Saacado kadib ka hadashay warar sheegayay in Al-Shabaab Saddex degmo oo ka mid ah Gobolka Banaadir ka mamnuuceyn Ciyaarta Kubbada Cagta.

Warar soo baxayay ayaa sheegayay in Degmooyinka Deeyniile, Hurwaa, iyo Yaaqshiid Garoomada Kubbada Cagta lagu Ciyaaro ee loo yaqaano Salaxa ay mamnuuceen Al-Shabaab,iyaga oo la xiriiray Milkiilayaasha Garoomadaas.

Ra’iisul Wasaare ku xigeenka dalka Mahdi Maxamed Guuleed (Khadar) ayaa sheegay in weli dalka aysan ka dhicin in dhalinta Ciyaara Kubadda Cagta ay cabsi qabaan in laga joojiyo Ciyaaraha.

“majiri jirin in koox nabad diid ah ay soo saarto amar ah in la joojiyo ciyaarta kubadda Cagta ee Muqdisho,majir jirin in looga baqo in la qarxiyo Garoomada lagu Ciyaaro,majiri jirin qof Dhalinyarada iyo ciyaaraha u dhaq dhaqaaqa in uu ka walwalo amnigiisa lafihiisan uu u baqo,laakin ogaada amniga muhiim ayuu inoo yahay waana mid horseedka u noqda horumarka ayuu yiri R’iisul Wasaare Ku xigeenka dalka”

Hoos Ka Dhageyso Codka Ra’iisul Wasaare ku xigeenka dalka Soomaaliya.