Ra’iisul Wasaare ku-xigeenka Xukuumadda Federaalka Soomaaliya ee xilgaarsiinta Mahdi Maxamed Guuleed (Khadar) ayaa maalintii shalay oo Arbaco aheyd kulan la yeeshay safiirka dowladda Shiinaha u fadhiya Soomaaliya Fei Shengchao.
Kulanka ayaa looga hadlay xoojinta xariirka iskaashi ee labada dal, waxaana dib u eegis lagu sameeyey inta uu kulanku socday fursadaha horumarineed iyo adkeynta xariir ka dhaxeeya labada dowladood.
Ra’iisul Wasaare ku-xigeenka Xukuumadda Federaalka Soomaaliya ee xilgaarsiinta Mahdi Maxamed Guuleed Khadar ayaa safiirka kala hadlay sidii gurmad loogu fidin lahaa dadka Soomaaliyeed ee abaartu saameysay.
Xukuumadda Soomaaliya ayaa wada dadaalo kala duwan oo loogu gurmanayo dadka Soomaaliyeed ee Abaaraha ku saameeyeen deegaano iyo degmooyin ka tirsan Gobolada dalka, xili abaarta ay si darran saameyn ugu yeelatay qoysas farabadan.
