Ciidamada dib u xoreeynta deeganka ee ku sugan degmada Ceeldheer ee gobolka Galgaduud ayaa gacanta ku dhigay Xubin ka tirsan dagaalamayaasha AL-Shabaab.
Ciidamada oo soo bandhigay muuqaalka dagaalamahaasi ka tirsan AS, ayaa waxaa la sheegay inuu si dhuumaaleysi ah ku joogay deegaano hoos tago degmada Ceeldheer ee Gobolka Galgaduud.
Dagaalamahaasi gacanta lagu soo dhigay ayaa  magaciisa waxaa ay ku sheegeen Cabdi Maxamed Cumar, kaasi oo sida la sheegay dhowr sano ka tirsanaa dagaalamayaasha AS, wuxuuna uga biiray gobolka Bakool, sida uu sheegay Maxamed Khaliif oo ka mid ah saraakiisha hoggaameysa ciidanka soo qabtay.
Howlgalka lagu soo qabtay Cabdi Maxamed Cumar ayaa ka dhacay inta u dhaxeeysa deeganada Qorya-wayn iyo Hulcaduur oo hoos taga degmada Ceeldheer ee gobolka Galgaduud.
