Dhex-dhexaadiyaasha Sacuudiga iyo Maraykanka ayaa xalay ku dhawaaqay inay Kooxaha ku dagaalamayo dalka Suudaan ay ku heshiiyeen Xabbad-Joojin cusub oo muddo 3 maalin ah.
Heshiiska Xabbad-Joojin ee ay wada gaareen Ergooyinka ka kala socda Ciidanka Dowladda Suudaan ee SAF iyo kuwa Gurmadka Degdega ee RSF ayaa waxa uu dhaqan galay Maanta oo Axad ah, abaarihii 6:00 Aroornimo ee xilliga dalkaasi.
Xabbad-joojinta cusub oo ah 72 saacadood ayaa waxay socon doontaa ilaa bishan June 21-da.
Si kastaba, Xabbad-Joojin lagu dhawaaqay ayaa waxay ku soo beegantay, iyadoo bishan June 19-da la qaban doono Shirweynaha Deeq-bixiyayaasha Caalamiga, si looga hadlo Gargaar-gaarsiinta dadka ku dhibaataysan Dagaalka ka socda dalka Sudan.
