Magaalada Baladweyne ee xarunta Gobolka Hiiraan waxaa goordhaw ka bilaaban doonta doorashada Kursiga Hope058, kaasi oo ay ku loollami doonaan ilaa iyo 7 musharrax, kuwaasi oo u taagan qabashada Kursigaasi.
Qaban-qaabadii ugu dambeysay ayaa ka socota Baladweyne, waxaana la ad-keeyay ammaanka guud, sidoo kale xubnaha Musharixiinta ah ayaa ku sugan goobta ay ka dhacayso doorashadu.
Musharxiinta Kursiga ayaa waxaa ka mid ah Taliyihii hore ee NISA Sanbaloolshe, waxaana goordhaweyd uu gaaray goobta doorashada si uu ugu tartamo kursiga Hope058.
Saaka ayay ahayd markii Malleyshiyo hubeysan ay gadood ka sameeyen gudaha magaalada Kuwaasi oo la sheegay in aysan ku qanacsaneyn sida loo wado hannaaanka doorashada Kursiga kale ee Hope059.
