Magaalada Garoowe ee Xarunta Maamulka Puntland ayaa saaka deggan kadib saacadihii lasoo dhaafay oo ay ku dagaalamayeen Ciidamo kala taabacsan Madaxweynaha Masamulkaasi Siciid Cabdullaahi Deni iyo dhanka Mucaaradka.
Xaaladda guud ayaa saaka deggan sida ay soo sheegayaan dadka ku sugan Garoowe, waxaana tan iyo xalay socday dadaallo ay wadeen isimada dhaqanka oo lagu baajinayo dagaallkaasi, inkastoo markii Isimadu ay ku baaqeen in la joojiyo kadib ay dagaallo kale dhaceen, haddana saaka xaaladdu waa ay deggan tahay oo lama maqal rasaaastii tan iyo shalay la maqlaayay ee dhinacyadu isku adeegsanayeen.
Baaqyada kala duwan ee loo dirayo labada dhinac ayaaa isi-soo tarayay,waxaana Madaxweynaha iyo Ra’iisul wasaaraha Dowladda Federaalka ah ee Soomaaliya, Xasan Sheekh Maxamuud iyo Hamze Cabdi Barre ay horay ugu baaqeen in la joojiyo colaadda ka taagan magaalada Garowe, iyaga oo dhinaca kale soo jeediyay in kala aragti duwanaanta keentay gacan ka hadalka lagu dhameeyo miiska wadahadalka.
Sidoo kale  Bulshada rayidka ah, Odayaasha dhaqanka iyo samadoonka deegaanka ugu baaqeen in ay qeyb ka noqdaan xalka colaaddaas.
