Waxaa Maanta Magaalada Garoowe ee Caasimadda Mamaulka Puntland si weyn looga dareemayaa Doorashada Madaxweyne ee Maamulkaasi, Iyadoo ay ku hardami doonaan xubno miisaan culus ku dhex leh siyaasadda Puntland iyo.tan Federaalkaba.
Saaka Garoowe waxaa ka jirta saxmad culus, waxaana guud ahaanba la joojiyay isku socodka gaadiidka, sidoo kalena waxaa wsddooyinka waa weyn lasoo dhoobay Ciidamo aad u farabadan oo ammaanka sugaya.
Hoolka ay ka dhacayso Doorashada ayaa ah mid ay kusoo qulqulayaan Howlwadeenada iyo Xildhibaanada Cusub ee dooranaya Madaxweynaha Puntland 2024.
Doorashada ayaa ah mid aad u xiisa badan, waxaana maanta Xilka Madaxweynaha ku hardami doona 11 Musharrax, iyadoo ay xusid mudan tahay in ilaa saddex kamid ah ay ugu cadcad yihiin doorashada, waxaana ku jiro Madaxweynaha waqtigiisu dhammaaday Siciid Deni.
Sidoo kale Galaangalka, heshiisyada iyo ballan-qaadyada ka sokow ilaa shan musharrax ayaa la hadal-hayaa in ay bixiyeen lacago u dhexeeya $50k ilaa $80k, ku darso tirada xildhibaannada waa 65 mudane iyo Hal Marwo.
Ammaanka guud ayaa la adkeeyay, waxaana shalay ay sarakiisha amnigu sheegeen inay qaadan doonaan kaalintooda ku aaddan Ammaanka doorashada maanta dhacaysa.
