Somali-British lagu magacaabo Muxiyadin Mire ayaa weli ku xiran Xabsiga London, iyadoo loo haysto falkii uu dhowrka qof ku dhawaacay  Mindida bishan December 5-dii.
Muxiyadin Mire oo 29 jir ah waxa uu weerar Tooreey ka geystay Boosteejadda laga raaco Tareemadda dhulka hoostooda mara ee Deegaanka Leytonstone ee magaalladda London, wuxuuna aad u dhaawacay nin 56-jir oo uu mindida kaga jeexay Luqunta, kaasi oo ay Dhahaatiirta kaga toleen halkii laga dhaawacay.
Muxiyadin Mire oo deggan Xaafadda Sansom Road ee magaalladda London ayaa la filayaa in Bisha Maarso ee sannadka soo socda Maxkamadda Old Bailey ee magaalladda London, waxaana lagu soo oogi doonaa Dacwad ku aadan Isku-day Dil oo uu u geysan lahaa Oday 56 jir.
Walaalkiisa Mohamed Mire oo 32-jir ayaa horey ugu sheegay Telefishinka Channel 4 News inuu Walaalkiisa madaxa loogu jiro, isla markaana uu qorshuhu ahaa in loo kaxeeyo Somalia, si halkaasi loogu soo daaweeyo.
Waxa kale oo uu sheegay inay dhowr Toddobaad ka hor u sheegeen Boliska London xaalladda Walaalkiisa iyo khatarta ay ka qabaan inuu isagu is-dhaawaco ama dad kale waxyeello gaarsiiyo, balse, ay Saraakiisha Boliska ka gaabiyeen inay xilligaas wax ka qabtaan.
© Radio Dalsan
