Telefishinka Dowladda Masar ayaa sheegay in ugu yaraan 8 ka tirsan Boliska la dilay, 3 kalena lagu dhaawacay weerar ay kooxo hubeysan ku soo qaadeen Bar Kontorool oo ku taalla Degaanka Naqab oo in ka badan 600-KM dhanka K/galbeed kaga toosan magaalladda Qaahira.
Hadal ka soo baxay Wasaaradda Arrimaha Gudaha ee Masar ayaa lagu sheegay in ugu yaraan 2 ka mid ah dableydii weerarka soo qaaday lagu dilay Iska caabinta ay Boliska sameeyeen.
Ma jirto koox sheegatay weerarkaasi oo ka dhacay Galbeedka dhulka Lama-degaanka ee u dhow xuduudka dalka Libya, halkaasi oo ay Maleeshiyadda Kooxda Daacish ku xooggan yihiin.
©Radio Dalsan
