Warbaahinta dalka Holland ayaa shaaciyey in ay Hay’addaha Ammaanka ee Dowladda Federalka Somalia gacanta ku dhigeen Nin lagu magacaabo Ismaaciil Muuse Axmed Guuleed, kaasi oo la rumeysan yahay inuu dejiyey Qorshihii ay Alshabaab habeen hore ku weerareen Baarka Liido Sea Food Restaurant ee Xeebta Liido.
Ninkaasi ayaa la sheegay inuu haysto Dhalashadda dalka Holland, waxaana lala xiriirinayaa Is-qarxintii bartamihii bishii February ee sannadkii hore lala beegsaday Hotelka Central Hotel ee magaalladda Muqdisho, taasi oo ay Hay’addaha Ammaanka sheegeen inay geystay Haweeney la oran jirey Luul Axmed Daahir, oo haysatay Dhalashadda dalka Holland.
Weriye Madax-bannaan oo lagu magacaabo Harald Doornbos, kana faallooda Arrimaha Dagaalladda ayaa haatan ifiyey in ay Luul Axmed Daahir ahayd Xaaskii Ismaaciil Muuse Axmed Guuleed, kaasi oo la rumeysan yahay inay Hay’addaha Ammaanka ee Dowladda Federalka habeen hore ku qabteen Weerarkii Alshabaab ku qaadeen Xeebta Liido.
Muuqaalladda Kamireeyooyinka Qarsoon ee CCTV oo horey loo baahiyey  ayaa waxay muujinayaan iyadoo Ibrahim Muuse Axmed wato Laptop.
SAWIRADDA WEERARKII LAGU LE’DAY EE LIIDO:
©Radio Dalsan                     Â
