Toogashadaasi oo ka dhacday Dhismo lagu caweeyo ayaa waxaa lagu dilay ugu yaraan 39 qof oo u badnaa Shisheeye u dabaal-degayey Sannadka cusub ee 2017-ka ee Milaadiyadda.
Wasiirka Arrimaha Gudaha ee Turkiga, Suleymaan Soylu ayaa sheegay inay socdaan Hawlgalka lagu ugaarsanayo Ninka dilka geystay, isla markaana rajeynayaan in Dembiilaha la soo qaban doono.
Isagoo Suxufiyiinta la hadayey waxa uu tilmaamay in  15 ama 16 ka mid ah dadka la dilay ahaayeen Shisheeye, wuxuuna intaasi ku daray in dadka la dilay laga aqoonsaday 21 qof oo keliya.
Wasiirka waxa uu xusay in 69 qof lagu dhaawacay Toogashadaasi, iyadoo 4 ka mid ah xaalladodoa aad u liidato.
Dhinaca kale, Milkiilaha Dhismaha la weeraray, Maxamed Kajarslan ayaa sheegay inay adkeeyeen Ammaanka 10-kii maalmood ee la soo dhaafay, kadib, markii ay Sirdoonka Maraykanka ka digeen weeraro suurto-gal oo ka dhaca Turkiga.
©Radio Dalsan
Â
