Maanta oo Sabti ah waxaa Garoowe ka furmaya kalfadhiga Golaha wakiilada Mamaul Goboleedka Puntland.
Madaxweynaha Dowlad Goboleedka Puntland Siciid Cabdullaahi Deni ayaa maanta la filayaa inuu si rasmi ah u furo kal-fadhiga 55aad ee golaha wakiilada Puntland.
Sidoo kale halkaasi ayuu ka jeedin doona khudbad uu kaga hadli doono waxqabadka xukuumadda uu hoggaamiyo iyo xaaladda siyaasadeed ee Soomaaliya.
Khilaafka u dhexeeya Maamulka Puntland iyo dowladda dhexe ee Federaalka ayaa la filayaa inuu kaga hadlo khudbadda uu ka jeedin doono kal-fadhiga 55aad ee golaha wakiilada.
Kal-fadhigaan waxaa kale oo lagu casumey xildhibaano katirsan labada aqal ee barlamaanka Sooamaliya deegaan doorashadooduna tahay Puntland, waxaana ay kulamo la yeelan doonaan madaxda dowladda iyo ururada bulshada rayidka ah.