Dowlad Goboleedka Puntland war ka soo saartay weerarkii saaka ee degaanka Dharjaale ee dhexmaray Ciidanka difaaca Puntland iyo dagaalamayaal ka tirsan Daacish oo weeraray fariisimo ay lahaayeen Ciidanka Puntland.
Puntland bayaan kasoo baxay ayaa lagu sheegay ayaa in aysan cidna dib uga laaban dagaalamayaashii weerarka soo aaday oo dhammaantood ciidanku dileen.
Bayaanka oo si gaar ah kaga soo baxay Hawlgalka La-dagaallanka Argagixisada ee Puntland ayaa lagu sheegay in dhammaan dagaallamayaashii weerarka soo qaaday lagu dilay.
” Ciidamada Hawlgalka Ciribtirka Argagixisada ee Puntland ee ku sugan deegaanka Dharjaalle ee Gobolka Bari, ayaa saaka fashiliyey isku dayga weerar argagixiso oo ay soo maleegeen Kooxda Daacish” ayaa lagu yiri qoraalka.
Waxaa intaasi ay ku dareen in ajaanib ay ka mid ahaayeen dadka weerarka soo qaaday “waxaana halkaasi Ciidanku ku dileen oo aysan cidi ka laaban dhammaan kooxdii weerarka soo qaaday oo u badan Ajaanib.” Ayay intaas ku dareen.
Hawlgalka La-dagaallanka Argagixisada ee Puntland ayaa sidoo kale tilmaamay in Ciidamada difaacu ku ruqaansadeen degaannadii ay weerarka ka soo qaadeen kooxaha Daacish.
