Orod-yahanka Somali-Britishka, Mo Farah ayaa la sheegay inuu ku guul-daraystay inuu maro baaritaanadda dhinaca Draoogadda ee laga doonayo inuu sannadkiiba labo jeer maro baaritaanadaasi.
Wararku waxay sheegayaan inuu Mo Farah ku guul-daraystay inuu labo jeer maro baaritaanadda Tartankii Orodadada London lagu qabtay sannadkii 2012-kii.
Waxa kaloo uu Orodyahankaasi ka baaqsaday inuu maro baaritaannadda dhinaca isticmaalka Dawooyinka sannadihii 2010-kii iyo 2011-kii.
Waxay Baarayaasha dib u eegayaan Xogta daawooyinka ee Mo Farah, haddii laga heli karo wax caddaymo ah.
Mo Farah weli laguma oogin kiiskaasi, balse waxa uu muteysan karaa in muddo afar sanno ah laga mamnuuco Tartamadda Orodka.
Tababaraha Mo Farah oo lagu magacaabo Alberto Salazar iyo Gacan-yarihiisa Galen Rupp ayaa waxa haatan lagu tuhunsan yahay eedeymahaasi, inkastoo ay beeniyeen.
Dhinaca kale, Mo Farah ma ordin tan iyo markii Tababarihiisa lagu soo oogay eedeynahaasi, balse waxa uu shalay xaqiijiyey inuu bisha July 17-da dib ugu soo laaban doono Monaco.
Waxa uu dhamaysan doonaa Shirka Naadiga The Monaco Diamond League, halkaasi oo sannadkii 2011-kii ku jebiyey Rekoordka Orodka 1,500 mitir ee Britian.
Labo sanno kadib, waxxa uu dhigay Rekoodhka cusub ee Orodka 1,500 mitir ee Qaaradda Europe.
Xigasho: The Mirror
© Warqabadka Radio Dalsan
