Nin Somali oo 22-jir ah ayaa 8-dii fiidnimo ee xalay lagu toogtay Deegaanka Moss Side oo 1.9 miles dhanka Koonfurta kaga toogan magaalladda Manchester ee dalka Britain.
Boliska waxay sheegeen inay rumeysam yihiin inay toogashadaasi xiriir la leedahay Kooxaha Gangestradda.
Ninka Soomaaliga ayaa laga toogtay Laabta isagoo ku sugnaa Isgoyska Jidka Broadfield Road, waxaana dhaawaciisa loola cararay Isbitaalka, iyadoo ay xaalladiisu haatan deggan tahay.
Boliska ayaa sheegay inuu aad u nasiib badan yahay, waayo dhaawaciisa lagama cabsi qabo inay noloshiisa khatar geliso.
Baarayaasha Boliska waxay Isbitaalka su’aalo ku weydiinayaan ninkaasi oo la fahamsan yahay inuu ka yimid Moss Side.
Bolis badan ayaa la keenay goobtii ay toogashada ka dhacday, waxayna Boliska heleen gumaca rasaastii lagu toogtay Ninka Soomaaliga, waxayna toogashadaasi u muuqatay Toogasho bartilmaameed ah oo isaga lala beegsaday.
Tony Lea oo ka tirsan Qeybta Boliska Koonfurta Manchester ayaa ka codsaday qof kasta oo ku sugnaa goobta ay toogashadu ka dhacday inuu Boliska u yimaado, si uu Warbixin u siiyo.
Waxa uu sheegay inuu baaritaanku wejigiisa hore uu marayo, lagana shaqeynayo goobta ku wareegsan halka ay Toogashadu ka dhacday.
Dhinaca kale, dadka deggan Jidka Salisbury Road waxay saakayto markay soo tooseen naxdin ka qaadeen Warka Subaxnimo oo ay ka dhegeysteen  shilkii xalay ka dhacay Deegaankooda, waxayna sheegeen inay argagaxeen, markii ay maqleen dhacdada shilkaasi.
Waxaa Turjumay Axmed Xaaji Ugaaska
Xigasho: Manchester Evening News
©Radio Dalsan  Â
