Ciidamada Booliska Somaliland ayaa sheegay inay gacanta ku dhigeen Nin eedeysane ah oo loo haysto inuu xalay Magaalada Hargeysa ku dilay Xaaskiisa.
Jamaal Daaha Cabdiraxmaan oo 54jir oo ku eedaysan inuu Xalay Abbaaro 10:30kii Habeenimo ku dilay Xaafadda Shacabka ee Magaalada Hargaysa Xaaskiisa Marxuumad Sumaya Siciid Naasir ayaa haatan gacanta lagu hayaa.
Qoraal kasoo baxay Booliska Somaliland ayaa lagu yiri “Ciidamada Booliska Somaliland ayaa gacanta kusoo dhigay eedeysane Jamaal Daaha Cabdiraxmaan ina Sarco Axmed 54jir oo ku eedaysan inuu Xalay Abbaaro 10:30kii Habeenimo ku dilay Xaafadda Shacabka ee Magaalada Hargaysa Marxuumad Sumaya Siciid Naasir oo ahayd Xaaskiisii waxaanu uu ku dilay Mindi ( Soodh)â€
Kadib howlgal lagu baadi goobayay eedeysanaha oo ay Ciidanku sameeyeen ayay kusoo qabteen Eedaysanahii , waxaana hadda uu ku jiraa gacanta Ciidanka.
Eedaysanaha iyo marxuumaduba waxay kasoo jeedaan dalka Yemen , waxaana kiiskaasi baaristiisa gacanta ku haya Hoggaanka Baariista Dmabiyada (C.I.D).
