Muwaadin Soomaali American ah oo wade Taxi, ka ahaa duleedka Magaalada Washiton ee dalka Mareykanka, oo bishii January Hey’adda FBI Mareykanka ay ku dartay Liiska waxa ay ugu yeeraan Argagaxisada, oo mudo labo sano ka hor kaso tagay dalkaasi, ayaa la sheegay in uu hada ku xiranyahay Mid kamid ah xabsiyo ku yaala Soomaaliya.
FBI ayaa Magaca Muwaadinkaasi ku sheegtay Liban Haji Mohamed oo 29 jir ah, waxaana ay ku eedeyeen in uu taageray xarakada Al Shabab ee Soomaaliya.
Illawareedyo Mareykan ah ayaa shegaya in Mohamed maalmo ka hor lagu xiray Soomaaliya, inkastoo aysan cadeyn in dib loogu celin doono wadanka Mareykanka.
Wargeyska Washiton Post, ee dalka Mareykanka ayaa warkaan markii ugu horeysay daabacay , ee ah in Mohamed lagu xiray Soomaaliya.
Mohamed ayaa waxaa uu ku noolaa waqooyiga Virgina meel udhow daafaha Washiton isagoona wade ka ahaa Takaasida halkaasi ka shaqeysa, waxaana dalka Mareykana uu kasoo tagay sanadkii 2012.
