Madaxweynaha Jamhuuriydda Federaalka Soomaaliya Xasan Sheekh Maxamuud ayaa khudbad u jeediyey hoggaamiyaasha dalalka isbaheysiga dhex dhexaad ka ah (NAM), kadib markii uu ka qeyb galay Shirka ka dhacay dalka Uganda.
Madaxweynaha ayaa si adag u soo bandhigay mowqifka dowladda Soomaaliya ee ku aaddan xadgudubka Dowladda Itoobiya iyo cawaaqib xumada uu keeni karo haddii aanan si wadajir ah looga falcelin.
Madaxweyne Xasan Sheekh ayaa yiri “ Cawaaqib xumada ka dhalan karta is-afgaradkan waa wax aad looga xumaado mana ahan kaliya mid khatar ku ah madax-banaanida dhuleed ee Soomaaliya, Sidoo kale , waxa uu halis ku yahay xasilloonida gobolka waxuuna fursad cusub siinayaa argagixisada ka jirta gobolka. ”
Madaxweynaha Soomaaliya Xasan Sheekh Maxamuud ayaa sidoo kale sheegay in xadgudubka Itoobiya iyo faragelinta ay ku heyso arrimaha Soomaaliya ay fursad cusub siinayso argagixisada ka jirta gobolka.
