Madaxweynaha Jamhuuriyadda Federaalka Soomaaliya Xasan Sheekh Maxamuud iyo wafdi uu hoggaaminayo ayaa xalay ka ambabaxay Garoonka diyaaradaha Aadan Cadde ee magaalada Muqdisho.
Madaxweyne Xasan Sheekh iyo wafdiga la socday ayaa gaaray magaalada Kampala ee dalka Uganda, waxaana halkaasi kusoo dhaweeyay mas’uuliyiin ka tirsan dowladda dalkaasi.
Madaxweynaha Jamhuuriyadda Federaalka Soomaaliya ayaa Maanta Kampala kaga qeyb galaya munaasabad si rasmi ah loogu saxiixayo ka mid noqoshada Soomaaliya ee Dalladda Bulshada Bariga Afrika.
Sidoo kale Xasn Sheekh ayaa inta uu ku sugan yahay Uganda waxa uu kulan la qaadan doonaa dhiggiisa Yoweri Museveni, isagoo kala hadli doona sii xoojinta xiriirta iyo iskaashiga labada dal.
Soomaaliya ayaa dhawaan si rasmi ah ugu biirtay Dalladda Bulshada Bariga Afrika, waxaana Munaasabadda ka dhaceysa Kampala ka qeyb galaya mas’uuliyiin ka socda Dalladda Bulshada Bariga Afrika.
