Milliteriga Masar ayaa la sheegay inay qaadeen Hawlgal lagu soo furtay 30 qof oo u dhalatay dalka Ethiopia, kuwaasi oo ay haysteen Maleeshiyooyin ku sugan dalka Libya.
Dadkaasi la soo badbaadiyey ayaa loo soo duuliyey caasimadda dalka Masar ee Qaahira, waxaana qaabilay Madaxweynaha dalka Masar, C/fataax Alsiisii.
Madaxweynuhu waxa uu sheegay inay Ciiddanka Ammaanka Masar qaadeen Hawlgalkaasi si loo soo badbaadiyo dadkaasi.
Dhinaca kale, Dowladda Ethiopia ayaa ka mahadcelisay hawlgalka lagu soo badbaadiyey Muwaadiniintooda lagu haystay daalka Libya.
Bishii hore ayey ahayd, markii ay Maleeshiyadda Libya ee xiriirka la leh Kooxda Daacish surta ka jareen 30 Ethiopian Kirishtaan ahaa, waxayna Kooxda soo bandhigtay Muuqaal Video oo lagu muujiyey falkaasi.
Xigasho:- Asharqal-awsat
