Faisal Jeylani Aweys waa Muwaadin Somali ah oo haatan ku nool magaalladda Lausanne ee dalka Switzerland, wuxuuna rajeynayaa inuu noqdo Ciyaaryahan caan ku ah Legdenta loo yaqaano Taekwondo.
Faysal oo 14 sanno ka hor ka qaxay colaadaha dalkeenna, ayaa sheegay in ay hooyadiisa koo a mid ahaan jirtey Ciyaartoyda Ciyaaraha Fudud, ay u geeriyootay cuddurka Kansarka  isagoo ilmo yar ah.
Markii uu tegay dalka Switzerland waxa uu noqday Garsoore iyo Tababare, wuxuuna aad u danaynayaa inuu noqdo Ciyaaryahan Calaami ah.
Waxa uu Kaalinta 60-aad kaga jiraa Ciyaartoyda Takawondaha ee Caalamka
Faisal Jeylani Aweys waxa uu sheegay inay noloshiisa ciyaaraha mar kale is-bedeshay, kadib, markii uu Xoghayaha Guud ee Guddiga Olombikadda Soomaaliyeed, Duraan Farah ka qeyb galay Ciyaarta Furan ee Lausanne Open Tournament.
Faisal Jeylani Aweys waxa uu ku guuleystay tartamo ka kala dhacay dalalka Switzerland, Faransiiska iyo Jarmalka.
Sannadkii 2013-kii, waxa u uu ambabaxay dalka Masar oo uu kaga qeyb galay Tartankiisa ugu horreeyey ee ka baxsan Qaaradda Europe ku tegya dalka Masar, isagoo ka mid ah Ciyaartoyda Soomaalida ee Ciyaaraha Fudud.
Aweys waxa uu tartankaasi ka galay Kaalinta Afaraad, isagoo guushaasi ku dhiirigelisay inuu noqon doono Ciyaartoy  Heer Caalami ah.
Faisal Jeylani Aweys  oo ah Xaasle hal cunug leh waxa uu sheegay inuu u diyaargaroobayo Ciyaaraha Fudud ee Calaamka oo sannadka dambevlagu qaban doono dalka Brazil.
Xigasho: AFP