Nin Falastiini ayaa geeriyooday, halka afar kalena lagu dhaawacay Hawlgal ay Milliteriga Israel xalay ka fuliyeen Xerada Qaxootiga Tulkaram oo ku taalla Waqooyiga dhulka La-haysto ee Daanta Galbeed ee Falastiin.
Ilo-wareedyo la hadlay Wakaallada Wararka Falastiin ee WAFA ayaa sheegay in Marxuumka la dilay lagu magacaabi jirey Maxamuud Jihaad Jaraad oo 23 jir ahaa.
Hawlgalka Askarta Israel waxaa kaloo ku dhaawacmay 4 Falastiini ah oo mid ka mid ah ay xaalladiisu aad u liidato.
Si kastaba, Tirada Guud ee Muwaadiniinta Reer Falastiin ee ay Askarta Israel ku dileen Dhulalka La-haysto tan iyo bilowgii sanadkan waxay gaarayaan ugu yaraan 220 qof.
