Taliska Ciidamada Mareykanka ee qaarada Afrika ee loo yaqaan AFICOM ayaa faah faahin ka bixiyay duqeyn dhanka cirka ah oo saacadihii lasoo dhaafay ka fuliyeen deegaan ka tirsan Gobolka Bari ee dowlad Goboleedka Puntland.
War-saxaafadeed kasoo baxay Taliska AFICOM ayaa lagu sheegay in duqeynta diyaaradeed laga fuliyay deegaan lagu magacaabo Dhardhaar oo qiyaastii 81-KM dhanka Koonfur Bari kaga beegan magaalada Boosaaso ee xarunta gobolka Bari.
Duqeyntan oo ay iska kaashadeen dowladda Soomaaliya iyo Mareykanka ayaa waxaa lala bartilmaameedsaday saddex dagaalame oo kamid ahaa kooxda Daacish oo ku sugnaa deegaanka Dhardhaar, kuwaasi oo sida la sheegay duqeynta ku dhintay.
Duqeyntan cusub ayaa imaneysa xilli toddobadkii hore ay dowladda federaalka Soomaaliya sheegatay duqeymo ka dhacay buuraha Calmadow ee gobolka Sanaag, balse Puntland ay beenisay jiritaanka weerarkaasi ay masuuliyadiida sheegatay dowladda dhexe ee Soomaaliya.
Weli Maamulka Puntland ayaana ka hadlin duqeyntan ay iska kaashadeen ciidanka dowladda Soomaaliya iyo kuwa Mareykanka ee ka dhacay buuraha gobolka Bari,
