Waxaa goordhow Magaalada Dhuusamareeb ee Caasimadda Maamulka Galmudug kusoo dhammaatay doorashada kursi ka tirsan Golaha Shacabka Baarlamaanka 11-aad ee dowladda Federaalka, kaasi oo ay deegaan doorashadiisa tahay Galmudug.
Doorashada kursiga tirsigiisu yahay HOP#147 ayaa waxaa ku tartami lahaa Shamso Cabdullaahi Maxamed iyo Mahad Maxamed Salaad oo 9-kii sanno ee lasoo dhaafay ku fadhiyey kuraasi, balse waxaa tartanka ka hartay Shamso Cabdullaahi.
Ergada doorashada oo aheyd 101 ergo ayaa Cod gacan taag ah ugu Coddeeyay Mahad Maxamed Salaad inuu mar kale noqdo Xildhibaan ka tirsan Golaha Shacabka, wuxuuna helay Mahad Salaad dhammaan codadkii gacan taaga ahaa ee ergada doorashada.
Guddiga doorashada Maamulka Galmudug ayaa ku dhawaaqay in doorashada kursiga tirsigiisu yahay HOP#147 uu kusoo baxay Mahad Maxamed Salaad oo 9-kii sanno ee lasoo dhaafay ku fadhiyey kuraasi Golaha Shacabka Baarlamaanka 11-aad ee dowladda.
Kursiga HOP#147 ayaa waxaa Musharaxiintii dooneysay sanadkaan kamid ahaa Guddoomiye ku-xigeenka amniga Maamulka Gobolkaan Banaadir Cali Cabdi Wardheere Cali Yare oo loo diiday inuu ka dhoofo Garoonka diyaaradaha Aadan Cadde ee Magaalada Muqdisho.
