Madaxweynaha dowlad Goboleedka Hirshabeelle Cali Cabdullaahi Xuseen Guudlaawe  ayaa xilkii ka qaaday Guddoomiyihii Hay’adda Qaxootiga Maamulkaas Khaliiif Warsame Waasuge, isagoo xilkaas u magacaabay Mas’uul cusub.
Wareegto kasoo baxday Xafiiska Madaxweyne Cali Guudlaawe ayaa waxaa xilka Guddoomiyaha Hay’adda Qaxootiga u magacaabay inuu noqdo Cabdisalaan Cabdullaahi Xaashi ( Angola), kaasi oo bedelaya Guddoomiyihii hore ee Hay’addaas.
Sidoo kale Madaxweynaha dowlad Goboleedka Hirshabeelle ayaa Guddoomiye ku-xigeenka Hay’adda Qaxootiga u magacaabay Abuukar Xasan Muuse, isla markaana waxaa Mas’uuliiyinta la magacaabay laga dalbaday inay gutaan waajibaadkooda shaqo.
Sababta keentay magacaabista Guddoomiyaha Hay’adda Qaxootiga iyo ku-xigeenkiisa ayaa lagu sheegay inay tahay baahi loo qabo in la dardar-geliyo howlaha baaxada leh ee hor yaalla Hay’adda Qaxootiga Hirshabeelle.
Hoos ka Akhriso Wareegtada magacaabista.
