Madaxweyne Rajab Dayib Erdogan ayaa hadalkaasi ka sheegay mar uu ka hadlayey Kulanka Sannadlaha ee lagu xoojinayo xiriirka dalalka Turkiga iyo Britain oo ka dhacay magaalladda London
Madaxweyne Erdogan waxa uu sheegay in Ammaanka Gobalka Europe iyo Atlantic muhiim u yahay dalkiisa, wuxuuna intaasi ku daray inay Dowladiisa dadaal xooggan gelinayso sidii Nabad iyo Deganaansho loogu soo dabaali lahaa Mandiqadda Bariga Dhexe.
“Hadafkeennu waa sidii Deganaansho loogu soo dabaali lahaa dalalka Somalia, Syria, Iraq iyo Afganistan, waxaana jecel nahay inaan horey u sii wadno Dagaalka ka dhanka ah nooc kasta oo Argagixiso ah†ayuu yiri Madaxweynaha Turkiga.
Waxa uu intaasi ku daray inay Dowladaha Turkiga iyo Britain si wadajir ah ula dagaalamayeen Deganaansho La’aanta iyo dadaalka lagu taageerayo Samafalka Aadanaha ee ka socda Gobalka.
Hadalka Madaxweyne Erdogan ku sheegay inuu ka shaqaynayo Ammaanka Somalia waxay ku soo beeganta hal maalin kadib, markii ay Dagaalamayaasha Alshabaab sheegeen inay madaafiic ku asqeysiiyeen Saldhigga Tababarka ee ay Ciiddanka Turkiga ku leeyihiin magaalladda Muqdisho.
