Ilo lagu kalsoonaan karo ayaa waxay sheegayaan inuu Madaxweynaha Puntland, C/weli Gaas ka goos adeegayo inuu u soo ambabaxo magaalladda Gaalkacayo, oo lagu wado inuu maanta ka furmo Shirweyne Nabadeed oo lagu xalinayo Xiisadda Colaadeed ee Gaalkacayo.
Madaxweyne Gaas ayaa shuruudo ku xiray inuu u soo ambabaxo Gaalkacayo, inkastoo uu Ra’isul-wasaare Omar Abdirashiid oo Khadka Telefoonka kula hadlay ka codsaday Madaxweyne Gaas inuu ka soo qeyb galo Shirkaasi oo ay u dhan yihiin Madaxda Dowladda iyo Maamul-gobaleedyadda kale.
Dhinaca kale, Madaxweynaha Jubbaland, Axmed Madoobe ayaa la sheegay inuu dadaal ugu jiro sidii ay isaga iyo Madaxweyne Gaas ugu soo ambabixi lahaayeen Gaalkacayo, si ay uga qeyb galaan Shirka Nabadda Gaalkacayo.
si kastaba ha ahaatee, Ra’isul-wasaare Sharmaarke ayaa la filayaa inuu maanta guddoomiyo Shirka Nabadda Gaalkacayo oo lagu wado inuu barqanimadda maanta ka furmo Gaalkacayo.
© Radio Dalsan     Â
