Muwaadin Somali sheegay inuu Taliye Sare ka yahay Dagaalamayaasha Kooxda Daacish ayaa isku dhiibay Hay’addaha Smmaanka ee dalka Kuwayt.
Kaaliyaha Wasiirka Arrimaha Gudaha Kuweyt ugu qaabilsan Arrimaha Ammaanka Dadweynaha, Major General Abdifatah Al-Ali ayaa u sheegay Waaxda Amniga Qaranka Kuweyt  in Muwaadin Somali Qaxooti ah isku soo dhiibay Saldhigga Boliska ee Sabahiya, isla markaana sheegay inuu go’aansaday inuu isaga baxo Kooxda Daacish.
Wargeyska maalinlaha ee Alanba ee ka soo baxa dalka Kuwayt ayaa sheegay inuu Muwaadinka Soomaaliyeed sheegay inuu madax xanuun iyo carro ka qaaday xiriirka uu la leeyahay Kooxda Daacish.
Ilo dhinaca Ammaanka ee dalka Kuweyt ayaa sheegay in ninka Soomaaliga oo 26 jir ah, kuna nool Degmadda Sabahiya, Block 4 sheegay inuu ku biiray Kooxda Daacish, kana hayo Xil Sare, waa sida laga soo xigtay.
Muwaadinka Soomaaliga oo magaciisa la qariyey, balse leh Cinwaanka Twitterka ee @aaajihaadi11ayaa Ciiddanka Ammaanka Kuweyt ku wareejiyey Hard Disc ka kooban Aflaam, Sawirro, Heesaha Jihaadka ee Daacish iyo kuwa Alqaacida.
