Wasaaradda Arrimaha Gudaha ee dalkaasi ayaa doonaysa inay joojin doonaaan Tahriibayaasha Afrikaanka inaysan ka soo gudbin Badda Mediterranean-ka, kuna celin doonaa Qaaradda Afrika.
Wargeyska Welt am Sonntag ee ka soo baxa Jarmalka ayaa maanta qoray inay Jarmalka qaadayaan Nidaam la mid ah Tallaabooyinka ay Dowladdfa Australia dib ugu soo celiso Qaxootiga lagu qabtay Xeebaha dalkaasi.
Wargeyska waxa uu ka soo xigtay Haweeneyda Afhayeenka u ah Wasaaradda Arrimaha Gudaha ee Australia in Qorshahaasi lagu badbaadinayo Nolosha Tahriibayaasha naftooda ku soo biimeeya Badda.
Afhayeenadad waxay xustay in Tahriibayaasha Badda lagu qabto la dejin doono Xerooyin ku yaalla saddexda Waddan ee Tunisia, Masar ama dal kale oo ku yaalla Waqooyiga Afrika.
Waxay intaasi ku dartay inay Tahriibayaasha Afrikaanka codsi magangelyo-doon ka dalban karaan dalalkaasi, kadibna si nabad ah loogu soo qaadi doono Qaaradda Europe.
©Radio Dalsan