Waalidiin Ka Cabanaya Askareynta Carruurta

Qaar ka mid ah waalidiinta ku nool duleedka degmada Afgooye ee xarunta Gobolka Shabellaha Hoose  ayaa sheegay in carruurtooda lagu qasbayo inay ku biiraan kooxo hubeysan.

Waalidiinta ayaa sheegay in wiilal yar yar laga kaxeeyay guryahooda xilli habeen ah. Arrintan ayaa keentay cabsi iyo barakac. Dadkan oo u badan beeralay ayaa waxaa soo wajahdey cabsi hor leh .

Odayaasha dhaqanka ayaa ku baaqay in si degdeg ah wax looga qabto falalkan. Waxay sheegeen in mustaqbalka carruurta la halis gelinayo. Hay’adaha u dooda xuquuqda carruurta ayaa ku tilmaamay arrintan mid jebinaysa shuruucda caalamiga ah.

Mas’uuliyiinta dowladda ayaa ballanqaaday in la sameyn doono baaritaan rasmi ah. Bulshada rayidka ayaa dalbatay in la kordhiyo wacyigelinta iyo ilaalinta carruurta.