Howlgal ay ciidamada xoogga dalka guutada 9-aad ee gobolka Bakool ka sameeyeen tuulada Makiiney oo 40 KM dhinac Koonfur Galbeed kaga beegan magaalada xuddur ayaa lagu dilay dagaalyahano ka tirsan Al-Shabaab
Saraakiisha hoggaamineysay howlgalka oo ka tirsan ciidamada Xooga dalka qeybta 60-aad guutada 9-aad ee gobolka Bakool ayaa warbaahinta ku hadasha Afka dowladda u sheegay in howlgalkii dhacay lagu dilay saddex dagaalame oo kamid ahaa Shabaabka.
Sidoo kale Saraakiisha ayaa intaas kusii daray in inta uu socday howlgalka laga fuliyay tuulada Makiiney Shabaabka la dilay looga furtay hubkii ay wateen, waa sida hadalka loo dhigay.
Deegaano hoostaga degmada Xuddur ayaa waxaa ka socda howlgal Al-Shabaab looga saarayo tuulooyinka ay kaga sugan yihiin Bakool, waxaana howlgaladaasi ay qeyb ka yihiin sida la tilmaamay howlgalka wejiga labaad ee xoreynta dalka ee ka socda
