Ciidanka Haya’adda Nabad sugida iyo Sirdoonka Qaranka oo kaashanaya Saaxiibada Soomaaliya ee Caalamiga ah ayaa hawlgal qorshaysan oo lagu dilay dagaalyahano ka tirsanaa Al-Shabaab ka fuliyay Gobolka Shabeellaha Dhexe ee Maamulka Hirshabeelle.
War lagu baahiyay Wakaalada Wararka SONNA ayaa lagu sheegay in howlgalka oo ka dhacay deegaanka deegaanka fiidow oo hoos taga degmada Mahadaay lagu dilay toddoba xubnood oo ka kamid ahaa Shabaab halkaasi ku sugnaa.
Magacyada xubnaha la dilay lagu sheegay Cabdiraxmaan Dheere oo hadda Shabaab u qaabilsanaa weerarada gaadmada ah ee kooxdu ka gaysato Gobolka Sh/Dhexe iyo Mucaad oo asna ka tirsanaa isla qaybta weerada, halka Cabdirisaaq Muuse Khaliif oo ahaa ku xigeenka sarkaalka qaabilsan aruurinta xoolaha Sakawaadka Shabaab qaataan.
Ciidamada dowladda Fedaraalka Soomaaliya oo taageero dhanka cirka ah ka helaya saaxiibada Caalamka ayaa howlgalo noocaan oo kale ah ka fuliya inta badan goobaha ay ku sugan yihiin Al-shabaab.
