Ciidanka xoogga dalka ayaa habeenimadii xalay aheyd waxa ay howlgal qorsheysan oo ka dhan ahaa dagaalamayaasha Al-Shabaab ay ka fuliyeen deegaanka Ceel-bashiir oo ku yaalla wadada xiriirisa deegaanka Jameeco iyo degmada Buur-hakaba.
Howlgalka ayaa ka bilowday weerar ciidamo ka tirsan kuwa xoogga ee ka howlgala deegaanada Koonfur Galbeed ay ku qaadeen xarun la sheegay inay Al-Shabaab ku lahaayeen deegaanka Ceel-bashiir, isla markaana weerarkaas uu ka dhashay khasaaro.
Wakaalada Wararka dowladda ee SONNA oo soo xigatay saraakiil ka tirsan ciidamada ayaa sheegtay in howlgalkii xalay dhacay lagu dilay toban ka tirsan Al-Shabaab ku sugnaa goobta.
Howgalka ay ciidamada xoogga dalka ay ka fuliyeen deegaanka Ceel-bashiir oo ku yaalla wadada xiriirisa deegaanka Jameeco iyo degmada Buur-hakaba ayaa la tilmaamay inuu kusoo dhamaaday sidii ay u qorsheeyeen ciidamada Xoogga Dalka soomaaliyeed.
Si kastaba ciidanka dowladda iyo kuwa maamulka Koonfur Galbeed ayaa dhowr jeer deegaano iyo degmooyin ka tirsan Maamulkaas ka fuliyey howlgalo qorsheysan oo ka dhan ahaa dagaalamayaasha Al-Shabaab.
