Wakaaladda Wararka Dalka Shiinaha ee Xinhua ayaa sheegtay in Hogaamiye Sare oo ka tirsanaa Al Shabab in lagu toogtay Magaaladda Buurdhuubo ee Xadka Dalalka Soomaaliya iyo Kenya.
Hogaamiyaha La Toogtay waxa Magaciisa lagu sheegay Axmed Ismaaciil Cali.
Waxa Gacanta ku dhigay Axmed Ismaaciil Toddobadkii hore Ciidamadda Dowladda Federaalka Soomaaliya ee ku sugan Buurdhuubo.
Waxa lagu eedeyay Ninkasi inuu ka dambeeyay Dilka 28 qof oo Badankooda Macalimiin ahaa oo lagu laayay Magaaladda Mandheera ee Waqooy-Bari Dalka Kenya.
Bishii December Sanadkii hore,Dagaalamayaal Ka tirsan Al Shabab ayaa weerar gaadmo ah ku qaaday Bas lagu dilay 28 qof oo ahaa Rakaabkii saarnaa baska,sido kale Axmed Ismaaciil waxa lagu eedeyay inuu lug ku lahaa Weerarkii bishii September Sanadkii 2013kii lagu qaaday Xarunta Ganacsiga Wesgate Mall ee Magaaladda Nairobi.
Weerarkasi oo qaatay muddo Afar Cisho waxa ku dhintay 68 qof waxana ku dhaawacmay 200 oo qof.
Toogashadan loo geystay Axmed Ismaaciil oo ahaa Hogaamiye ka tirsanaa Al Shabab ayaa imaaneysa bil un kadib markii uu isa soo dhiibay Madaxii Sirdoonka Al Shabab Sakariye Ismaaciil Xersi.
