Drs. Vanda Felbab Brown oo ka tirsan Hay’adda Brookings Institution ee uu fadhigeedu dhexe ku yaallo magaalladda Washington DC ayaa hadalkaasi ka sheegtay Warbixin ay ka diyaarisay safar ay bishii March ee la soo dhaafay ku timid magaalladda Muqdisho.
Sarkaalladda oo khabiir ku ah dhinaca Ammaanka, ayaa hadalkaasi ka sheegtay Kulan ka dhacay Xarunta Dhexe ee Hay’adda Brookings Institution oo looga hadlayey La-dagaalanka Argagixisadda iyo Dhismaha Dowladnimo ee Somalia.
Waxay tilmaamtay inuu gaabis galay hawlgalka socda ee ay ciiddanka Dowladda Federalka iyo kuwa AMISOM kula jiraan Xarakadda Alshabaab, waxayna hoosta ka xariiqday inay Ganacsiyeynta caqabad ku noqotay Hawlgalkaasi.
Drs. Vanda Felbab Brown waxay kaloo sheegtay inuusan Madaxweyne Xasan Sheekh Maxamuud wada maamulin Ciiddanka Ammaanka, oo ay ku tilmaamtay inay weli yihiin kuwo beeleed oo hoos taga siyaasiyiinta, waa sida ay hadalka u tiri.
Waxay kaloo ka hadashay dhibaatooyinka haysta Dowladda Dhexe ee Somalia oo ay xustay inay ragaadiyeen musuq, isla markaana aysan Ciiddanka Qaranka helin mushaarkooda.
“Ciiddanka Qaranka waxaan la siinin musharakooda, Lacagaha waa la xawishaa, waa kooban yihiin adeegyadooda Sirdoonkooda†ayey tiri Drs. Vanda Felbab Brown oo ka tirsan Hay’adda Brookings Institution.
Waxay intaasi ku dartay inaysan Milliteriga DFS la mid ahayn Ciiddanka AMISOM, isla markaana ay Beelaha yihiin kuwo kuwo maamula ciiddankaasi, xitaa haddii ay dagaal la galayaan Alshabaab, waa sida ay hadalka u tiri.
Waxay kaloo sheegtay inay Ganacsato ku lug leeyihiin Khaarajka Hawlgalladda, ee had iyo jeer sida degdeg ah lagu dhameeyo, waa sida ay hadalka u tiri.
Dhinaca kale, Drs. Vanda Felbab Brown  waxay sheegtay in Ciiddanka AMISOM yihiin kuwo aan lala xisaabtamin, isla markaana aan lahayn Talis Mideysan iyo inay ka gaabiyeen hawlgalladda ka dhanka ah Alshabaab iyo inay ka caga jiidaan inay dabagalaan Dagaalyahannadda Alshabaab.
“ AMISOM waxay rigli ku yihiin fadhiyadooda, waxay degmooyinka qaarkooda maamulaan maalintii, oo habeenkii laguma arko†ayey tiri   , waxayna intaasi ku dartay in AMISOM diidan yihiin dagaal ay la galaan Alshabaab, xitaa iska horimaadyadda yaryar.
