Waxaa Magaalada Istanbul ee dalka Turkiga lagu dilay Haweeney Soomaali ah oo heysatay dhalashada UK, taasi oo Meydkeeda laga helay hotel ku yaalla magaaladaasi oo ay maalmihii lasoo dhaafay daganeyd.
Haweeneyda la dilay oo lagu magacaabi jiray Ayaan Mohamed Dhoba ayaa waxaa dilkeeda loo adeegsaday kashawiito, sida ay ku warrantay Warbaahinta Turkiga oo baahisay dhacdadaan lagu dilay Ayaan oo da’deeda lagu sheegay 26-sanno jir.
Wararka la helayo ayaa sheegaya in dilka Ayaan Maxamed uu ka danbeeyay Ninka qabay oo lagu magacaabo Axmed, waxaana la tilmaamay in qoyskaan ay Dalxiis u joogeen dalka Turkiga, iyaga oo la yimid magaalada London ee dalka Ingiriiska.
Saraakiil ka tirsan qaybta dembi-baarista ee Booliiska Turkiga ayaa soo xiray Axmed, waxaana la arkayey iyagoo qadaan qadinaya.
Lama oga ilaa hadda sababta ka dambeysa dilkan oo Soomaalida ku nool dalka Turkiga ay si weyn u hadal hayaan, Booliska ayaa sheegay iney wadaan baaritaan.
