Abaabul xooggan oo ka dhan ah dagaalka Al-shabaab ayaa ka socda Gobolka Shabeellaha dhexe, waxaana saacadiihii lasoo dhaafay degaanada Gobolkaasi gaaray Ciidamo aad u farabad oo loo diyaariyay gulufka dagaal eek a dhanka ah Al-Shabaab.
Diyaargarow aad u sarreeya ayaa laga dareemayaa degaanno iyo degmooyin ka tirsan Gobolkaasi, waxaa degmooyinka Raagaceelle, Aaadan Yabaal, Cadale iyo degaanno kale waxaa lagu arkayaa Ciidankii ugu badnaa oo saacadihii ugu dambeeyay lagu daabulay Gobolkaasi.
Mas’uuliyiin ka tirsan Dowladdaa dhexe ayaa qayb ka ah diyaargarowga dagaalka, waxaana Muqdisho ka bixitimay Saraakiil, Masuuliyiin ka tirsan Dowladda Federaalka oo ay ku jiraan Xildhibaanno, kuwaasi oo hor kacaya gulufka dagaal ee looga dhawaaqay Gobolka Shabeellaha dhexe, oo degaanno badan ay ka haystaan dagaalamayaasha Al-Shabaab.
Si waliba waxaa Gobolkaasi saaka si weyn looga dareemayaa dhaq-dhaqaaq xooggan oo ay wadaan Bulshada Gobolka iyo Ciidanka Dowladda, waxaana dhawaanahaan socday abaabul ku aaddan sidii Gobolkaasi uu kaga billaaban lahaayeen howgallo Culus oo ku aaddan dagaalada AL-Shabaab.
