Guddoomiyaha Golaha Shacabka ee Baarlamanka Jamuuriyada Federaalka ah ee Soomaaliya  Mudane Sheekh Aadan Maxamed Nuur Madoobe ayaa shir guddoomiyay kulanka banbaxa guddiga ah ee Golaha Shacabka oo maanta lagu soo gaba gabeeyay Magaaladda Kismaayo ee Caasimadda KMG ah dowlad goboleedka Jubbaland,waxaana kulanka sidoo kale ka qeyb gashay Guddoomiye kuxigeenka koowaad ee Golaha Shacabka Sacdiya Yaasiin Xaaji Samatar.
Kulanka oo maalmihii lasoo dhaafay ka socday Magaaladda Kismaayo ayaa xubnaha guddiga joogtada ah waxa ay uga hadleen ajendayaasha kalfadhiga shanaad ee Golaha Shacabka inta kulanka uu socday ayaa waxaa lagu ansixiyay laba qeybood oo kala ah ajendayaasha guud ee kalfadhiga shanaad iyadoo sidoo kale la jadwaleeyay Ajendayaashii horay u yaalay Golaha iyo intii kale ee cusbeyd islamarkaana Golaha soo gaartay.
Gudoomiyaha ayaa maalmihii u danbeeyey safar shaqo u joogey Kismaayo,dawladda federaalka ayaa wali wadda dedaalo lagu xoojinaya sidii loo dhaqan galin lahaa cudubyadda cusub ee lagu soo kordhiyey dastuurka.
