Guddiga doorashada dowlad Goboleedka Galmudug ayaa shaaciyay magacyada Odayaasha dhaqanka iyo Bulshada Rayidka ee soo xulaya ergada doorashada saddex kursi oo kamid ah kuraasta deegaan doorashadoodu tahay Galmudug.
Qoraal ay soo saareen Guddiga doorashada Galmudug ayaa lagu soo bandhigay Liiska xubnaha Odayaasha dhaqanka iyo Bulshada Rayidka ee soo xulaya ergada dooraneysa saddexda kursi, kuwaasi oo maalinta berri la xareyn doono sida uu qorshahu yahay.
Kuraasta doorashadoodu la qaban doono maalmo kadib ayaa waxaa tirsigoodu kala yihiin HOP#012 oo ku fadhiya Yuusuf Xeyla Jimcaale, kursiga HOP#048 oo uu ku fadhiyo Cabdullaahi Gaafow Maxamuud iyo kursiga HOP#137 oo ku fadhiyey Saadaq Cabdikariin Xaaji Ibraahim.
Guddiga doorashada dowlad Goboleedka Galmudug ayaa shaaca ka qaaday in Doorashada saddexdaan la qaban doono 25-ka bishaan Febraayo oo ku beegan maalinta Jimcaha ee soo socota.
