Guddiga Gaadiidka, Garoommada, Dekedaha, hawlaha guud iyo Tamarta ee golaha shacabka baarlamaanka JFS oo gudanaya waajibaadkiisa uu u xilsaaranyahay ayaa maanta xafiiska guddiga ugu yeeray wasiirka gaadiidka iyo duulista hawada Xil. Fardowsa Cusmaan Cigqal oo ay weheliyaan Wasiir ku xigeenka wasaaradda, !gaasimaha guud iyo maareeyaha hay’adda duulista rayidka Soomaaliya.
Kulanka oo uu shir guddoomiyey guddoomiyaha guddiga Xil. Cabdillahi Cabdi Maxxamed (Geelqaad) ayaa mas’uuliyiinta wasaaradda looga dhageystay warbixinno ku saabsan sharciyada wasaaradda muhiimadda u leh ee u qorsheysan, qoshe-hawleeedka wasaaradda, heerarkii kala duwanaa ee ay soo martay hawada Soomaaliya, istiraatijiyadda guud ee wasaaradda, caqabadaha iyo fursadaha wasaaradda horyaalla.
Xildhibaanada guddiga ayaa iyaguna dhinacooda talo soojeedin iyo su’aalaba waydiiyey masuulinta wasaaradda.
kulanka oo ku soo dhammaaday is fahan ayaa lagu kala qaatay waajibaad shaqo, sidoo kale waxa lagu dardaarmay in shacabka Soomaaliyeed loogu shaqeeyo hufnaan.
