Kadib rabshadihii ka dhacay shalay Garoonka Kubadda Cagta ee Stadium Muqdisho ayaa waxaa War kasoo saaray Xiriirka Kubadda cagta Soomaaliyeed, iyagoona Go’aan ka gaaray Natiijada Ciyaartii shalay ee Hirshabeelle iyo Gobolka Banaadir oo fowdo kusoo idlaatay.
Qoraalka Xiriirka Kubadda cagta ayaa waxaa lagu sheegay in saddex dhibcood lagu siiyay xulka Maamulka Hirshabeelle, isla markaana lagu ganaaxay xulka Maamulka Gobolka Banaadir oo la tilmaamay inay taageerayaashooda ay bilaabeen fowdo iyo qas.
Waxaa shalay daqiiqaddii 70aad ee la hakiyay kulan u dhaxeeyay Gobolka Banaadir iyo maamul Goboleedka Hirshabelle ka dib markii taageerayaasha Gobolka oo sameeyey fowdo iyo rabshado laga wadi waayey ciyaarta oo aheyd mid xamaasad leh oo Garoonka ay soo buux-dhaafiyeen kummanaan Kun oo taageerayaal ah oo labada dhinac u kala sacad tumayey.
Xiriirka Kubada cagta ayaa saddex gool iyo sadexdii dhibcood ee ciyaartaas siiyey xulka Hirshabelle, iyadoo Maanta cayaari doonaan Koonfur Galbeed iyo Jubbaland..
