Gantaal laga soo tuuray Israa’iil oo ku dhacay Masar iyo Khasaaro ka dhashay

Lix qof ayaa ku dhaawacantay Madfac Waaberigii hore ee saakay oo Jimco ah ku habsaday magaalada Daaba ee dalka Masar,  una dhow Xuduudka Israel.

Telefishinka dalka Masar ee lagu magacaabo Al-Qahira Al-Ekhbaariyah ayaa baahiyey inuu Gantaalkaasi geystay dhaawaca 6 qof iyo burbur soo gaaray Xarunta Gaadiidka Gurmadka (Ambalaasta) iyo Dhismo la degan yahay oo Khaas u ah Maamulka Isbitaal ku yaalla magaalladda Daaba (مدينة طابا) oo 220 KM u jirta magaalladda Qasa ee Falastiin.

Ilo-wareed la hadlay Telefishinka Al-Qahira Al-Ekhbaariyah ayaa sheegay inuu Madfacaasi ku lug leeyahay Dagaalka Israel iyo Falastiin ku dhex marayo magaalladda Qasa.

Dhanka kale,  Ciiddanka Israel waxay sheegeen inaysan War iyo Wacaal u haynin Dhacdadaasi ka dhacday meel ka baxsan Xuduudkooda, waa sida ay Hadalka u dhigeen..

Si kastaba,  Duqeynta Waaberigii hore ee saakayto ka dhacday magaallada Daaba ee Masar waa Duqeyntii Labaad oo ay Israel ka geystaan gudaha Masar tan iyo markii uu Dagaalka ka dhex qarxay Ururka XAMAAS iyo Israel bishan October 7-dii.

W/Q Ustaad Nuuradiin