Cayaarta kama dambeysta ah ee tartanka dowlad Goboleedyada iyo Gobolka Banaadir ayaa galabta loogu ballansan yahay Garoonka Stadium Mogadishu, waxaana ku baratami doona xulalka Galmudug iyo Hirshabeelle oo markii ugu horreysay isku arki doona Final ka tartankaan.
Cayaarta oo si weyn looga dareemayo magaalooyinka waa weyn ee dalka, ayaa waxaa haatan garoonka sii buuxiyay taageerayaal labada dhinac u kala sacabba tumi doona.
Sidoo kale diyaar garowgii ugu adkaa ayay ku jiraan labada dhinac, waxaana Xulalkaan ay kala wataan ciyaartooy tayo sare leh, kuwaasi dhammaan cagta soo mariyay xulalkii kale ee tartanka qaybta ka ahaa.
Xulka Maamulka Galmudug ayaa kasoo gudbay martigaliyeyaasha tartanka ee Banaadir, waxaana cayaar Rigoore ayaal la isla gaaray ay tareenka kaga tureen difaacdayaasha koobka ee Gobolka Banaadir.
Halka Hirshabeelle ay iyaguna Rigooreyaal kaga soo gudbeen Xulka Jubbaland.
