Faah faahinno dheeraad ah ayaa laga helayaa dil Xalay ka dhacay Degmada Guriceel ee Gobolka Galgaduud, waxaana halkaasi lagu dilay mid ka mid ahaa Ganacsatada Magaaladaasi.
Wararka ayaa sheegaya in dabley hubeysan ay Magaalada ku dileen  Allah ha u naxariistee Abdullahi Cali Hudeey oo la dhashay Taliyaha Booliiska Degmada Cismaan Cali Hudeey.
Marxuumka la dilay ayaa ka mid ahaa Ganacsatada Magaalada, waxaana ilaa iyo hadda la ogayn sababaha keenay dilka Marxuumka, xili dableydii dilka fulisay ay goobta isaga baxsaden.
Ganacsatada magaalada iyo Qaybaha kala duwan ee Bulshada Reer Guriceel ayaa si weyn kaga tacsiyeyay geerida Marxuumka.
Dhawaanahaan Degaanada Maamulka Galmdug waxaa ka billawday dilal qorsheysan oo loo gaysanayay ganacsatada Degaanada Maamulkaasi, waxaana intoda badan la aaminsan yahay inay salka ku hayaan aanooyin qabiil.
